हुम्लाको सिमकोट विमानस्थलबाट नेपालगन्जका लागि उड्न ठिक्क परेको नेपाल एयरलाइन्सको जहाजमा प्राविधिक समस्या देखिएको छ । नेपाल एयरलाइन्सको ९एन–एबीयू कलसाइनको जहाजमा समस्या देखिएपछि उडान नै रोकिएको छ ।
नेपाल एयरलाइन्सका प्रवक्ता रमेश पौडेलका उड्ने तयारीमा रहेको जहाजको इन्जिन स्टार्ट नभएको हो । उनका अनुसार इन्जिन स्टार्ट गर्ने क्रममा बायाँ इन्जिन स्टार्ट नभएपछि आजको उडान रोकिएको छ ।
उनले अहिले प्राविधिक समस्याको पहिचान भइसकेको र नेपाल एयरलाइन्सको प्राविधिक टोली मर्मतको सामग्रीसहित हुम्ला गएर जहाज मर्मत गर्ने बताए ।
भोलि बिहानबाट नियमित उडान हुने विश्वास लिइएको प्रवक्ता पौडेलले बताए ।