नेपाल वायुसेवा निगम (नेपाल एयरलाइन्स)ले ग्राउण्डेड भएको ४२ दिनपछि एउटा जहाज मर्मतका लागि पठाएको छ । निगमले ९ एन–एकेएक्स कलसाइनको न्यारोबडी जहाज ग्राउण्डेड भएको ४२ दिनपछि मर्मतका लागि इजरायल पठाएको हो ।
इन्जिन बोरोस्कोप फेल भएर ग्राउण्डेड भएको जहाजमा अर्को इन्जिन जडान गर्न बिहीबार राति साढे ११ बजे इजरायल पठाइएको हो । निगमका प्रवक्ता रमेश पौडेलका अनुसार जहाज यात्रु बोकेर दुबई गएको हो । दुबईबाट आज इजरायल पुग्नेछ ।
जहाज कहिलेसम्म मर्मत भएर आइपुग्छ भन्ने कुनै टुंगो छैन ।
जहाज मर्मतको जिम्मा इजरायल एरोस्पेस इण्डस्ट्रीले लिएको छ ।