.gif)
रामेछापको मन्थली विमानस्थलबाट सगरमाथा क्षेत्र अर्थात् सोलुखुम्बुको लुक्ला जाने पर्यटकको संख्या बढेसँगै लगेज चेकजाँचका लागि एक्स–रे मेसिन राखिएको छ । सगरमाथा क्षेत्रमा जाने पर्यटकका लागि सिजनल रुपमा मन्थली विमानस्थल सञ्चालन हुन थालेपछि उक्त विमानस्थलमा पूर्वाधार थप्ने काम भइरहेको छ । यसै शिलशिलामा अहिले एक्स–रे मेसिन राखिएको हो ।
नेपाल नागरिक उड्डयन प्राधिकरण (क्यान)ले मन्थली विमानस्थलका लागि एक्स–रे मेसिन उपलब्ध गराएको हो ।
यसअघि मेसिन नहुँदा हवाईजहाजबाट यात्रा गर्ने स्वदेशी तथा विदेशी यात्रुहरुको झोला खोतरले प्रहरीले ‘म्यानुअल्ली’ चेकजाँच गर्ने गरेको थियो । अब मेसिन जडान भएपछि हातले झोला खोलिरहनु पर्ने झन्झट नभएको र समयको समेत बचत भएको नागरिक उड्डयन प्राधिकरण रामेछापका वरिष्ठ अधिकृत उज्ज्वल गुरागाईंले बताए ।
.gif)
