नेपाल राष्ट्र बैंकले आन्तारिक ऋण उठाउने तालिका परिमार्जन गरेको छ । राष्ट्र बैंकको मौद्रिक व्यवस्थापन विभागले तालिका परिमार्जन गरेको हो ।
परिमार्जित तालिका अनुसार पहिलो त्रैमासमा ८० अर्ब आन्तारिक ऋण उठाइने भएको छ । यसअघिको तालिकामा पहिलो त्रैमासमा ५५ अर्ब ऋण उठाउने उल्लेख थियो । परिमार्जित तालिकाअनुसार पहिलो त्रैमासमा कुल आन्तरिक ऋणको ३३.३ प्रतिशत उठाउने राष्ट्र बैंकको लक्ष्य छ । यसमा ५ अर्बको ट्रेजरी बिल र ७५ अर्बको विकास ऋणपत्र हुनेछ ।
त्यस्तै दोस्रो त्रैमासमा पनि ३० अर्ब, तेस्रो त्रैमासमा ५३ अर्ब र चौथो त्रैमासमा ७७ अर्ब आन्तरिक ऋण उठाईने उल्लेख छ । परिमार्जित तालिका अनुसार राष्ट्र बैंकले दोस्रो त्रैमासमा उठाउने ऋण पहिलोमा नै उठाउने देखिएको छ भने तेस्रो र चौथोको यथावत छ ।
पहिलो र दोस्रो त्रैमासमा ट्रेजरी बिल र विकास ऋणपत्र मात्र निष्काशन गर्ने राष्ट्र बैंकको तयारी छ । तेस्रो र चौथो त्रैमासमा भने नागरिक वचतपत्र र वैदेशिक रोजगार नागरिक बचतपत्र निष्काशन हुने उल्लेख छ ।
साउनदेखि नै आन्तरिक ऋण उठाउन सुरु गरेको राष्ट्र बैंकले हालसम्म झण्डै ६५ अर्ब आन्तारिक ऋण उठाइसकेको छ ।
यस्तो छ आन्तारिक ऋण निष्काशनको परिमार्जित तालिका
