.gif)
राष्ट्रिय वाणिज्य बैक लिमिटेडले आउँदो दशै, तिहार, नेपाल सम्वत् एवं छठ लगायतका पर्वलाई मध्यनजर गर्दै विद्युतीय कारोबारलाई प्रोत्साहन गर्न क्यास ब्याक अफर ल्याएको छ । बैंकले पोइन्ट अफ सेल्स (पीओएस) को माध्यमवाट प्रति कारोबार रु.१,०००।– वा सो भन्दा बढीको कार्ड स्वाईप गर्दा क्यास ब्याक हुने अफर ल्याएको हो ।
बैंकका अनुसार यो योजना आगामी २०७९ असोज १० गते देखि २०७९ कार्तिक १३ गतेसम्म लागू हुने छ । देशभर विभिन्न व्यवसायहरुमा रहेको पीओएसको माध्यमबाट राष्ट्रिय वाणिज्य बैंकको कार्डबाट रा.वा.बैंककै पिओएस मेसिन प्रयोग गरी रकम भुक्तानी गर्दा कारोबारमा क्यास ब्याक हुने बैंकले जनाएको छ ।
यस अन्तर्गत ३ देखी ५ पटकको कार्ड स्वाईपमा ५% अधिकतम क्यास ब्याक वा रु.५००।–, ६ देखी १० पटकको कार्ड स्वाईपमा १०% अधिकतम क्यास ब्याक वा रु.७५०।–, ११ देखी १५ पटकको कार्ड स्वाईपमा १५% अधिकतम क्यास ब्याक वा रु.१,०००।– मध्ये जुन कम हुन्छ सो वराबरको रकम क्यास ब्याक हुने बैंकले जनाएको छ । त्यस्तै २०७९ असोज ७ देखि १४ गतेसम्म र २०७९ कार्तिक २ देखि ६ गतेसम्म राष्ट्रिय वाणिज्य बैंकको मोवाईल बैंकिङ्ग प्रयोग गरी क्युआर कोड स्क्यान गरी भुक्तानी गर्दा कुल कारोबार रकमको १०% वा रु.१००।– जुन कम हुन्छ सोही रकम क्यास ब्याक हुने बैंकले जनाएको छ ।
बैंकको हाल ७ प्रदेश, ७७ जिल्लामा २६२ वटा शाखा कार्यालय, ५१ वटा एक्सटेन्सन काउन्टर, २६८ वटा एटिएम र ९९ वटा शाखा रहित बैंकिङ्ग सेवा रहेको छ ।
.gif)
