एक साताको अवधिमा वाणिज्य बैंकहरुको निक्षेप बढेको छ । कमर्शियल बैंकका सीइओहरुको छाता संगठन नेपाल बैंकर्स संघ, एनबिएका अनुसार मङ्सिर ९ देखि मङ्सिर १६ गतेसम्मको अवधिमा कमर्शियल बैंकको निक्षेप ११ अर्बले बढेको हो।
मङ्सिर ९ गते वाणिज्य बैंकहरुको कुल निक्षेप ४५ खर्ब ६२ अर्ब रहेकोमा मङ्सिर १६ गतेसम्म आईपुग्दा ११ अर्बले बढेर ४५ खर्ब ७३ अर्ब पुगेको छ । त्यस्तै यस अवधिमा बन्खारुको कर्जा भने १ अर्बले मात्र बढेको छ । मङ्सिर ९ गते वाणिज्य बैंकहरुको कुल कर्जा प्रवाह ४२ खर्ब २२ अर्ब रहेकोमा मङ्सिर १६ गतेसम्म आईपुग्दा १ अर्बले बढेर ४२ खर्ब २३ अर्ब पुगेको छ ।
त्यस्तै यस अवधिसम्ममा बैंकहरुको औसत सिडी रेसियो ८६.७६ प्रतिशत रहेको छ ।