.gif)
नेपाल राष्ट्र बैंकले असार २१ गते बिहिबार नेपाल सरकारको लागि १० अर्ब आन्तरिक ऋण उठाउने भएको छ । राष्ट्र बैंकले १० अर्बको ६ वर्षे विकास ऋणपत्र २०८६ 'च' बोलकबोल मार्फत बिक्री गरि आन्तरिक ऋण उठाउन लागेको हो । यस मार्फत नै चालु आर्थिक वर्षको अन्तिम आन्तरिक ऋण उठाउन लागिएको हो।
ब्याजदर भने बोलकबोलको माध्यमबाट निर्धारण हुने छ । बैंक तथा वित्तीय संस्था, गैर बैंक वित्तीय संस्था, बीमा कम्पनी, संगठित संस्था, तथा नेपाली नागरिकले यस बोलकबोलमा सहभागी हुन पाउनेछन् ।
विकास ऋणपत्र दुइ वर्षभन्दा माथि अर्थात् मध्यम तथा दीर्घकालीन अवधिको आन्तरिक ऋण उठाउन प्रयोग गरिने सरकारी ऋणपत्र हो । हाल नेपाल राष्ट्र बैंकबाट निष्कासन भएका विकास ऋणपत्र ३ वर्षदेखि १५ वर्षअवधि सम्मका रहेका छन् । नेपाल सरकारलाई आवश्यक पर्ने आन्तरिक ऋण राष्ट्र बैंकले उठाउने गरेको छ ।
.gif)
