सिटिजन्स बैंकका ६ कर्मचारी पक्राउ परेका छन्। नक्कली शैक्षिक प्रमाणपत्र बनाएको आरोपमा जिल्ला प्रहरी परिसर काठमाडौंले सोमबार बैंकका ६ कर्मचारीलाई पक्राउ गरेको हो।
पक्राउ पर्नेमा बुटवलको ड्राइभर टोल ब्रान्चकी मनिषा मास्के, मणिग्राम ब्रान्चकी गोमा ज्ञवाली, कालिका नगर ब्रान्चकी कल्पना खत्री र प्रतिक्षा रेग्मी तथा बुटवल ब्रान्चका खिमानन्द गौतम र दिपक विष्ट छन्।
बैंकले नै प्रहरीलाई दिएको उजुरीको आधारमा उनीहरुलाई पक्राउ गरिएको परिसर स्रोतले जनाएको छ। कर्मचारीलाई पक्राउ गरेर प्रमाणपत्रबारे अनुसन्धान अगाडि बढेको छ।