नेपाल इन्भेष्टमेन्ट मेगा बैंक लिमिटेडले “NIMB Green Future Savings Account” अन्तर्गत “एक खाता, एक विरुवा” अभियानद्घारा वृक्षारोपण कार्यक्रम सुरु गरेको छ ।
बैंकले उक्त खाता खोल्ने प्रत्येक ग्राहकको नाममा एक विरुवा रोप्ने र त्यसको संरक्षण गर्ने बताएको छ । बैंकले लुम्बिनी वल्र्ड पिस फोरमसँग सहकार्य गरी टोखा नगरपालिका वडा नम्बर २ मा ५ सय वटा विरुवा रोपी यस अभियानको सुरुवात गरेको हो ।
वृक्षारोपण कार्यक्रममा बैंकका कर्मचारीहरु, लुम्बिनी वल्र्ड पिस फोरमका अध्यक्ष बासु गौतम, टोखा नगरपालिका वडा नम्बर २ का अध्यक्ष धर्मेन्द्र श्रेष्ठ ,वडाका जनप्रतिनिधीहरु, महिला स्वयंसेविकाहरु तथा सशस्त्र प्रहरी निरीक्षक सन्तोश के.सी. र प्रहरीको उपस्थिति थियो ।
यस खाताको मुख्य उद्देश्य ग्राहकवर्गहरुलाई भविष्यका लागि बचत गर्न प्रत्साहित गर्नुका साथसाथै वातावरण संरक्षणमा पनि योगदान पु¥याउनु रहेको छ ।
रु ५०० रुपैयाँमा खोल्न सकिने यस खातामा ग्राहकवर्गहरुले आकर्षक ब्याजदर, ग्रिन पिन कार्ड सुविधा, निःशुल्क चेक बुक, प्रथम वर्षका लागि निःशुल्क डेबिट कार्ड तथा मोबाइल बैंकिङ, निःशुल्क इन्टरनेट बैंकिङ सुविधा पाउनेछन् ।
साथै बैंकले ग्राहकवर्गहरुलाई “Eco Friendly Loan” लाई प्राथमिकतामा राखि Processing Fee २५ प्रतिशत छुट समेत दिने जनाएको छ ।