नेपाल स्टक एक्सचेन्जको अध्यक्षमा भुपाल बराल नियुक्त भएका छन् । अर्थ मन्त्रालयले मन्त्रालयका सहसचिव बराललाई नेप्सेको अध्यक्ष नियुक्त गरि पठाएको हो।
अध्यक्ष बरालले असार ३ गतेदेखि नेप्सेको अध्यक्षको रुपमा काम प्रारम्भ गरेका छन् । उनी अर्थमन्त्रालयको वित्तिय क्षेत्र व्यवस्थापन तथा संस्थान समन्वय महाशाखा प्रमुख हुन् ।
यस अघि नेप्सेको अध्यक्षमा चक्र बहादुर बुढा थिए । मन्त्रिपरिषद्को बैठकले अर्थ मन्त्रालयका सहसचिव रहेका चक्र बहादुर बुढाको सरुवा गरिदिएपछि नेप्सेमा अध्यक्ष पद रिक्त रहेको थियो । बुढा हाल संस्कृति, पर्यटन तथा नागरिक उड्डयन मन्त्रालयमा छन् ।
नेप्सेमा अर्थ मन्त्रालयको सबै भन्दा धेरै अर्थात् ५८.६६ प्रतिशत शेयर लगानी रहेको छ । मन्त्रालयले नै नेप्सेमा अध्यक्ष चयन गरि पठाउने गरेको छ ।