उदयपुर सिमेण्ट उद्योग लिमिटेडको महाप्रबन्धक पदका लागि ७ जनाले आवेदन दिएका छन् । कम्पनीले भदौ २३ गते खुलाएको आवेदनका आधारमा ८ जनाले आवेदन दिएका हुन् ।
आवेदन स्वीकृत भएकाहरुमा काभ्रेका सागर श्रेष्ठ, बझाङका गोरखराज जोशी, मोरङका विन्द्र रेग्मी , काठमाडौँक संजय कुमार लाल, उदयपुरका दिल बहादुर भुजेल, रामेछापका नविन राज दाहाल, र भक्तपुरका सुरेश कुमार कार्की रहेका छन् ।
यस्तै, आवेदन दिएका शालिग्राम कुमार श्रेष्ठको आवेदन भने अस्वीकृत भएको कम्पनीले जनाएको छ । उनको आवेदन उद्योग, वाणिज्य तथा आपूर्ति मन्त्रालय सम्बद्ध सार्वजनिक निकायका पदाधिकारी तथा सदस्यहरुको नियुक्ति र मनोनयन सम्बन्धी निर्देशिका, २०७८ को दफा ३ को उपदफा २ (ख) बमोजिम भएको नपाइएकोले अस्वीकृत भएको कम्पनीले जनाएको छ ।
