महालक्ष्मी विकास बैंकले आठौैं मिष्टर हिमालय राष्ट्रिय शारीरिक सुगठन प्रतियोगिता सञ्चालनका लागि प्रायोजन सहयोग गरेको छ । नेपाल शारीरिक सुगठन तथा फिटनेस महासंघद्वारा आषाढ ८ र ९ गते आर्मी अफिसर्स क्लवमा आयोजित आठौैं मिष्टर हिमालय राष्ट्रिय शारीरिक सुगठन प्रतियोगितालाई बैंकले प्रायोजन सहयोग गरेको हो ।
नेपाल जस्तो विकासशील राष्ट्रलाई अन्तराष्ट्रिय स्तरमा चिनाउन खेलकुदको महत्वपूर्ण भूमिका रहेकाले शारीरिक सुगठन खेल क्षेत्रलाई विकसित गर्दै लैजाने अभिप्रायले उक्त प्रतियोगिताको आयोजना गरिएको आयोजकले जनाएक छ ।
महालक्ष्मी विकास बैंकले १०३ शाखा कार्यालयहरु मार्फत सेवा प्रदान गर्दै आएको छ ।