चालु आर्थिक वर्ष २०८०/८१ को पहिलो तीन महिना (साउन, भदौ र असोज) मा आधा खर्ब बढीको पेट्रोलियम पदार्थ आयात भएको छ । यी तीन महिनामा ५८ अर्ब ६५ करोड ६० लाख रुपैयाँ बढीको पेट्रोल, डिजेल र खाना पकाउने ग्यास आयात भएको हो ।
जसमध्ये, २९ अर्ब ९२ करोड एक लाख रुपैयाँको २ लाख ६९ हजार ८७६ लिटर पेट्रोल आयात भएको छ । यसैगरी, १७ अर्ब १० करोड ८७ लाख रुपैयाँको डिजेल र ११ अर्ब ६२ करोड ७१ लाख रुपैयाँको खाना पकाउने ग्यास आयात भएको भन्सार विभागले जनाएको छ ।
विभागको तथ्यांक अनुसार, एक लाख ६५ हजार ५९४ लिटर डिजेल र १३ करोड २५ लाख ७७ हजार ६८६ केजी खाना पकाउने ग्यास आयात भएको हो ।
उक्त परिमाणमा पेट्रोलियम पदार्थ आयात हुँदा २२ अर्ब ८७ लाख ४७ हजार रुपैयाँ राजस्व संकलन भएको छ ।