ग्लोबल इक्विटी फण्ड, हिमालयन लाइफ इन्स्योरेन्स र हिमालयन एभरेष्ट इन्स्योरेन्सद्वारा संयुक्त रूपमा प्रवर्द्धन गरिएको नेपाल इन्फ्रास्ट्रक्चर्स इन्भेस्टमेन्ट फण्ड लिमिटेडले तत्व’ फार्म्समा लगानी गरेको छ। लगानी समबन्धी सम्झौतामा ग्लोबल इक्विटी फण्डका प्रबन्ध निर्देशक डा. मनिष थापा र ‘तत्व’ फार्म्सका तर्फबाट संचालक हिमांशु त्रिपाठीले हस्ताक्षर गरेका छन् ।
तत्व’ फार्म्स कृषि प्रशोधन तथा खाद्य उत्पादन कम्पनी हो र हाल उखु प्रशोधन गर्दछ, र विशेष चिनी र डेरिभेटिभ उत्पादन गर्दछ । तत्व’ फार्म्स परम्परागत स्न्याक्स, चिप्स र रोस्टेड उत्पादनहरू सहित धेरै खाद्य उत्पादनहरूमा विस्तार गर्ने प्रक्रियामा छ ।
कम्पनीका अनुसार एनआईआईएफबाट प्राप्त रकम तत्व फार्मको चिनी मिलको उत्पादन क्षमता अभिवृद्धि गर्न र अन्तर्राष्ट्रिय मापदण्डको खाद्य पदार्थ उत्पादन गर्न अत्याधुनिक प्रणाली लागू गर्न प्रयोग गरिनेछ । नयाँ परिष्कृत प्लान्टले नवलपरासी जिल्लाका स्थानीय सयौं किसानहरूबाट उखु प्रशोधन गर्ने र बाली भुक्तानी चक्र घटाउने अपेक्षा गरिएको छ । यस लगानीले वातावरणमा सकारात्मक प्रभाव सुनिश्चित गर्दछ र इकाईलाई यसको कार्बन फुटप्रिन्ट र उत्सर्जनलाई कम गर्न सक्षम पार्दै उद्योग बाट निस्कने सबै वेस्ट पदार्थहरूको खपत सुनिश्चित गर्दै वातावरणीय प्रभावलाई पनि कम गर्ने दुवै कम्पनीले उल्लेख गरेका छन्।
ग्लोबल इक्विटी फण्डका प्रबन्ध निर्देशक डा. मनिष थापाले नेपाली घरपरिवारमा अत्यावश्यक वस्तु चिनीको बारम्बार अभाव र मूल्यवृद्धिका कारण चिनीको अर्थतन्त्रले सामना गर्नुपर्ने चुनौतिको चपेटामा परेकाले नेपालमा हामीले समस्याको सामना गरिरहेको बताए ।
उनले भने 'चिनीको माग बढ्दै गएपछि हामी चिनीमा आत्मनिर्भर नभई हरेक वर्ष भारतबाट आयात गर्छौं। नेपालमा हामीले कुनै पनि ब्रान्डको चिनी देख्दैनौं किनभने धेरैजसो चिनी गुणस्तरको बारेमा कसैलाई जवाफदेही नहुने गरी खुलेआम बिक्री गरिन्छ। तेसैले हामीले तत्व फार्ममा लगानी गर्ने निर्णय गर्यौं किनकि यसले सबैभन्दा पहिले चिनी, र ब्राउन सुगर र गुड पाउडर जस्ता स्थानीय उत्पादनहरूको माग पूरा गर्दैछ। साथै, तत्व’ फार्म्सले चिनीको गुणस्तर सुनिश्चित गर्दै आफ्नै ब्रान्डमा चिनी बिक्री गर्दै आएको छ । '
कृषिमा आधारित उद्योगमा पहिलो लगानी गर्न पाउँदा हामी निकै उत्साहित र खुसी रहेको डा. थापाले बताए। उनी भन्छन् 'कृषि नेपालको अर्थतन्त्रको मेरुदण्ड हो, जसले कुल गार्हस्थ उत्पादनमा करिब ३३ प्रतिशत योगदान पुर्याउँछ र कुल श्रमशक्तिको अनुमानित ७८ प्रतिशत निर्भर रहेका छन्। तसर्थ, यस लगानीबाट हामीले स्थानीय कृषि स्रोतहरूको दिगो प्रयोग सुनिश्चित गर्दैछौं, र हामी किसानहरूलाई सशक्तिकरण गर्ने र स्थानीय रूपमा उब्जाइएको उत्पादनहरू मार्फत कृषि मूल्यलाई माथि उठाउने लक्ष्यका रूपमा तत्व फार्ममा लगानी गर्न पाउँदा धेरै खुसी छौं।'
यो पनि : 'तत्व'मा जमेका पूर्वमन्त्रीका छोरा, नेपाललाई चिनीमा आत्मनिर्भर बनाउने लक्ष्य
यो पनि : दोस्रो फण्ड संचालनको तयारीमा ग्लोबल इक्विटी, महिला उद्यमीलाई प्राथमिकता