आईएमएफले भन्यो 'मौद्रिक नीति खुकुलो हुँदा पनि कर्जा बढेन, आर्थिक वृद्धिदर ३.५ प्रतिशत हुन्छ'

अन्तराष्ट्रिय मुद्रा कोष (आईएमएफ) ले खुकुलो मौद्रिक नीति अबलम्बन गर्दा पनि कर्जा प्रवाह बढ्न नसकेको बताएको छ। सोमबार काठमाडौंमा पत्रकार सम्मेलन गर्दै आईएमएफले यस्तो बताएको हो ।

पत्रकार सम्मेलनमा आईएमएफ मिसन चिफ टिडिएन किन्डाले  चालु आर्थिक वर्षमा नेपालको आर्थिक वृद्धि ३.१ प्रतिशत हुने प्रक्षेपण गरिएको बताए। कर्जा प्रवाह बढ्दै गएको, पुजीगत खर्च बढ्दै गएको, पर्यटक बढ्दै गएको र रेमिट्यान्स पनि बढ्दै गएको आधारमा चालु आर्थिक वर्षमा आर्थिक वृद्धि ३.१ प्रतिशत हुने प्रक्षेपण गरिएको उनले बताए। साथै महँगी दर पनि लक्ष्य भन्दा कम नै रहेको उनले उल्लेख गरे । यद्यपि उनले मौद्रिक नीति खुकुलो हुँदा पनि कर्जा प्रवाह अपेक्षित रुपमा बढ्न नसकेको उनले बताए । यद्यपि नेपालसँग अहिलेकै अवस्थामा पनि ५ प्रतिशत आर्थिक वृद्धिको सम्भावना भने रहेको उनले बताए । 

त्यस्तै उनले सरकारले अझै पुँजीगत खर्च बढाउनु पर्ने र आन्तरिक राजस्व पनि बढाउनु पर्ने बताए।  उनले  यी कार्यको लागि संरचनागत सुधार गर्नु पर्ने आवश्यकता रहेको र  नेपालले गर्न लागेको लगानी सम्मेलनलाई संरचनात्मक सुधारको रुपमा अवसरका रुपमा प्रयोग गर्न उनले सुझाव दिए । 

त्यस्तै उनले सहकारी संस्थाहरुलाई पनि नियमनको दायरामा ल्याउनु पर्ने बताए । नेपाल राष्ट्र बैंकले ल्याएको  चालु पुँजी कर्जा सम्बन्धी निर्देशन कार्यान्वयनमा गएपछि त्यसको नतिजा देखिन थालेको र सो निर्देशन पूर्ण रुपमा पालना गर्नु पर्ने उनले उल्लेख गरे । 

आईएमएफ मिसन चिफ टिडिएन किन्डाले आफुहरु नेपाल आएर अर्थ मन्त्री, अर्थ मन्त्रालयका विभिन्न पदाधिकारी, राष्ट्रिय योजना आयोगका पदाधिकारी, राष्ट्र बैंकका पदाधिकारी, वाणिज्य बैंकहरुका पदाधिकारी, निजि क्षेत्रका प्रतिनिधि र अन्य  विकास साझेदारहरुसँग छलफल गरेको बताए । नेपालमा एक साताको लागि आएको र यो अवसरमा उपलब्धिमुलक छलफल र भेटघाट भएको उनले उल्लेख गरे । उनले अहिले आईएमएफको बिस्तारित कर्जा सुविधा (ईसीएफ) अन्तर्गतको मुल्यांकन भन्दा पनि नेपाल सरकारले के कस्ता काम कारवाही गरिरहेको छ भन्ने बुझ आएको बताए ।