.gif)
चालु आर्थिक वर्ष २०८०/०८१ को ७ महिनासम्ममा २ खर्ब २ अर्ब ४३ करोड रुपैयाँ सार्वजनिक ऋण थपिएको छ । जसमध्ये १ खर्ब ५० अर्ब ३१ करोड आन्तरिक र ५२ अर्ब १२ करोड वाह्य ऋण थपिएको सार्वजनिक ऋण व्यवस्थापन कार्यलयले जनाएको छ ।
यससँगै माघ मसान्तसम्म नेपालले तिर्न बाँकी रहेको ऋण २३ खर्ब ८६ अर्ब ७७ करोड रुपैयाँ पुगेको छ । जसमध्ये ११ खर्ब ८४ अर्ब ५२ करोड आन्तरिक र १२ खर्ब २ अर्ब २४ करोड वाह्य ऋण रहेको छ । यस्तो ऋण गत आर्थिक वर्षको अन्त्यसम्म २२ खर्ब ९५ अर्ब ४३ करोड रहेको थियो ।
पछिल्लो एक महिना अर्थात माघ महिनामा मात्र ३८ अर्ब ६६ करोड रुपैयाँ ऋण सरकारले तिरेको कार्यलयको तथ्यांकले देखाउँछ । यो महिना २२ अर्ब ९७ करोड रुपैयाँ ऋण नेपाल सरकारले प्राप्त गरेको हो ।
यो ७ महिनामा नेपाललले १ खर्ब ११ अर्ब १० करोड रुपैयाँ सावाँ भुक्तानी गरेको छ । जसमध्ये ९० अर्ब ९७ करोड रुपैयाँ आन्तरिक र २० अर्ब १२ करोड रुपैयाँ बाह्य सावाँ भुक्तानी गरेको हो ।
