चुनावका लागि काठमाडौँबाट गृह जिल्ला र गाउँ जानेहरु बढेसँगै उपत्यका सुनसान बनेको छ ।
मंसिर ४ गते अर्थात् आइतबार हुने प्रतिनिधिसभा र प्रदेशसभा निर्वाचनमा मतदान गर्न काठमाडौँ छोड्नेहरु बढेसँगै काठमाडौँका बाहिरी र भित्री सडकहरु सुनसान देखिएका हुन् ।
कलंकी, कोटेश्वर, नयाँ बसपार्क, गौशाला, चावहिन, ग्वार्को लगायतका क्षेत्रमा शनिबार साँझसम्म पनि गाउँ फर्किनेहरुको ताँती छ ।
काठमाडौँका सुनसान सडकमा सुरक्षाकर्मीहरु भने तैनाथ छन् ।