भक्तपुर क्षेत्र नं। २ मा मतगणना रोकिएको छ । सदर र बदर मतको विषयमा विवाद हुँदा मतगणना रोकिएको हो ।
बिहान साढे २ बजेदेखि मतगणना सुरु भएपनि अहिले विवाद भएर मतगणना रोकिएको निर्वाचन अधिकृत लोकनाथ पराजुलीले जानकारी दिए ।
भक्तपुर–२ मा ६५ हजार ७७५ मत खसेको थियो ।
यो क्षेत्रमा नेपाली कांग्रेसका दुर्लभ थापा, एमालेका महेश बस्नेत, जनता समाजवादीका दिलबहादुर तामाङ, राप्रपाका मोहन केसी, नेपाल मजदुर किसान पार्टीका अनुराधा थापा मगर रहेका चुनावी मैदानमा छन् ।
प्रारम्भिक मत गणनामा कांग्रेसका थापाले अग्रता लिएका छन् । थापाले २ हजार २३० मत पाउँदा एमाले उम्मेदवार महेश बस्नेतले १ हजार ६३२ र राप्रपाका मोहन केसीले १२३ मत पाएका छन् ।