सरकारले हालै तामझामका साथ शुभारम्भ गरेको सामाजिक सुरक्षा योजनामा हालसम्म ६७ रोजगार सुचिकृत भएका छन् । श्रम रोजगार तथा सामाजिक सुरक्षा मन्त्रालय अन्तर्गतको सामाजिक सुरक्षा कोषले कार्तिक २६ गते राजपत्रमा सूचना प्रकाशित गर्दै रोजगारदातालाई कोषमा सुचिकृत हुन् आग्रह गरेको थियो ।
कोषले काठमाडौँ उपत्यका भित्रका रोजगारदाता र सबै श्रमिक आपूर्तिकर्तालाई मंसिर ६ को मितिले ३ महिना भित्र सुचिकृत हुन् आग्रह गरेको थियो । कोषका अनुसार हालसम्म ६७ रोजगारदाता यस अभियान अन्तर्गत सुचिकृत भएका छन् भने बाँकि १४७ प्रक्रियामा रहेका छन् । कोषले दिएको जानकारी अनुसार सुचिकृत हुने पहिलो रोजगारदाता सिजी फुड्स भएको छ । त्यस्तै दोस्रोमा भरोसा सर्भिसेज, तेस्रोमा चौधरी फाउन्डेसन, चौथोमा तारागाउँ रिजेन्सी होटेल र पाचौमा लुम्बिनी जनरल इन्स्योरेन्स रहेका छन् ।
रोजगारदाताले अनलाइन मार्फत कोषको वेबसाइटमा गई आफुलाई सुचिकृत गराउनु पर्ने ब्यबस्था छ ।
कोषले काठमाडौँ उपत्यका बाहेकका प्रदेश नम्बर ३ का अन्य स्थानका रोजगारदाताले मंस्गिर १५ देखि ३ महिना भित्रमा, प्रदेश १ का रोजगारदाताले पुस १ देखि ३ महिना भित्रमा, प्रदेश २ का रोजगारदाताले पुस १५ देखि ३ महिना भित्रमा सुचिकृत गराउनु पर्ने छ । त्यस्तै गण्डकी प्रदेश र प्रदेश ५ का रोजगारदाताले माघ १ देखि ३ महिना भित्रमा, र कर्णाली तथा सुदूरपश्चिमका रोजगारदाताले माघ १५ देखि ३ महिना भित्रमा सुचिकृत गराउनु पर्ने छ ।
कोषमा सुचिकृत भएका रोजगारदाता अन्तर्गत रहेका श्रमिकहरुले मात्र यस योजना अन्तर्गतको योगदानमा आधारित सामाजिक सुरक्षा प्राप्त गर्न सक्ने छन् ।
यो पनि :
