खाद्य व्यवस्था तथा व्यापार कम्पनीले करिब साढे आठ करोड खर्चेर दशैंकालागि खसीबोका तथा च्याङ्ग्रा ल्याउने भएको छ । दशैँका लागि तीन हजार वटा खसीबोका तथा च्याङ्ग्रा काठमाडौं ल्याउने र त्यसका लागि आठ करोड ३६ लाख रुपैयाँ लाग्ने कम्पनीकी सूचना अधिकारी शर्मिला न्यौपाने सुवेदीले जानकारी दिईन् ।
यसमा ढुवानी भाडा, दानापानी तथा घाँस र प्रशासनिक खर्च पनि जोडिएको उनले जानकारी दिईन् । उनका अनुसार असोज २९ गते दुई हजार खसीबोका र एक हजार वटा च्याङ्ग्रा काठमाडौं आईपुग्ने छ। एक हजार वटा खसीबोका मकवानपुर र एक हजार वटा तुलसीपुरबाट कम्पनीले ल्याउँदै छ । च्याङ्ग्रा भने रसुवाबाट ल्याउने उनले जानकारी दिईन् ।
कम्पनीले खसीबोका तथा च्याङ्ग्रा कतिमा बिक्री गर्ने भन्ने फिक्स भई नसकेको उनले जानकारी दिईन । खसीबोका तथा च्याङ्ग्रा काठमाडौं ल्याईसकेपछि लागतको आधारमा कुन दर भाउमा बेच्ने भन्ने निर्धारण हुने उनको भनाई छ । कम्पनीको नाफा राख्ने उद्देश्य भने नरहेको उनले प्रष्ट पारिन्।
असोज २९ गते काठमाडौंमा ल्याइसकेको खण्डमा ३० गतेबाट बिक्री वितरण सुरु गर्ने उनको भनाई छ।
