काठमाडौँस्थित त्रिभुवन अन्तराष्ट्रिय विमानस्थलमा हिजो सोमबार एकै दिन अहिलेसम्मकै धेरै उडान भएको छ । उडान संख्यामा भएको रेकर्ड ब्रेकसँगै त्रिभुवन विमानस्थलबाट एकैदिन सबैभन्दा धेरै यात्रुले हवाई यात्रा गरेको रेकर्ड पनि कायम भएको छ ।
विमानस्थलका अनुसार सोमबार एकैदिन अहिलेसम्मकै सबैभन्दा धेरै ११४ उडान भएको हो । जुन एकै दिन भएको अहिलेसम्मकै सर्वाधिक उडान हो ।
सोमबार ११४ उडानमार्फत १६ हजार ५०९ जनाले यात्रा गरेको एयरपोर्टले जनाएको छ । यो पनि एकै दिन काठमाडौँ एयरपोर्टबाट धेरै मानिसले हवाई यात्रा गरेको रेकर्ड हो ।
दशैँ सुरु भएसँगै हवाई उडान बढिरहेको छ ।
