सरकारी र निजी अस्पतालले खाली रहेका बेडको संख्या दैनिक दैनिक अद्यावधिक गर्नुपर्ने भएको छ । देशवासीका नाममा सम्बोधन गर्दै प्रधानमन्त्रीले सरकारी र निजी सबै अस्पतालले प्रयोग भएका र खाली रहेका शैयाको विवरण स्वास्थ्य मन्त्रालयमा पठाउनुपर्ने बताएका हुन् ।
अध्यावधिक विवरण नपठाउने अस्पताललाई सरकारले कारवाही गर्ने प्रधानमन्त्रीको चेतावनी छ ।
‘सरकारी तथा निजी अस्पतालले आफूसँग खाली भएका तथा प्रयोग भएका बेडको दैनिक अध्यावधिक गर्ने र त्यसको विवरण स्वास्थ्य मन्त्रालयमा पठाउनु पर्ने छ’ प्रधानमन्त्रीले भने, ‘नपठाउने वा शैया लुकाउने अस्पताललाई कारवाही हुनेछ ।’
