.gif)
नेपाल बीमा प्राधिकरणले स्वास्थ्य बीमा बोर्डलाई कम्पनीमा परिणत गरि बीमा प्राधिकरणको नियमनमा ल्याउन प्रस्ताव गरेको छ। प्राधिकरणले आर्थिक वर्ष २०८१/०८२ को नीति तथा कार्यक्रमको लागि सुझाव प्रस्तुत गर्दै यस्तो प्रस्ताव गरेको हो ।
प्राधिकरणले पठाएको प्रस्तावमा स्वास्थ्य बीमा बोर्डलाई प्राधिकरणको मातहतमा ल्याउनु पर्ने उल्लेख छ। स्वास्थ्य बीमा बोर्डलाई सरकारी स्वामित्वको स्वास्थ्य बीमा कम्पनीमा रुपान्तरण गरि प्राधिकरणको नियमनको दायरामा ल्याउन प्राधिकरणले सुझाव दिएको छ ।
हाल स्वस्थ्य बीमा बोर्ड स्वास्थ्य मन्त्रालयको मातहतमा सञ्चालित छ । यस अघि बीमा संस्थान पनि आफ्नै ऐन अनुसार चलिरहेको थियो । पछि बीमा ऐन २०७९ को प्रावधान अनुसार संस्थान कम्पनीमा परिणत भइसकेको छ ।
.gif)
