कोरोना संक्रमितको उपचारमा तोकिएको भन्दा बढी शुल्क लिने निजी अस्पताललाई स्वास्थ्य मन्त्रालयले कारबाही गर्ने भएको छ । काठमाडौँका केही निजी अस्पतालले तोकेको भन्दा बढि शुल्क लिएको लगायतका घटना सार्वजसनिक भएपछि स्वास्थ्य मन्त्रालयले ध्यानाकार्षण भएको भन्दै कारबाहीको चेतापनी दिएको हो ।
मन्त्रालयले कुनै पनि स्वास्थ्य संस्थाले यस्तो गतिविधिहरू गरेको थाहा पाए स्वास्थ्य मन्त्रालयमा जानकारी गराउन अनुरोध गरेको छ ।
यस्ता गतिविधिहरुको नियमित अनुगमन भईरहेको तथा नियमअनुसार कडा भन्दा कडा कारबाही गरिने मन्त्रालयले विज्ञप्तिमार्फत जनाएको छ ।
