घोराही सिमेन्टले श्रम स्वीकृति लिई विदेशमा रहेका नेपाली नागरिकको लागि निष्काशन गरेको आईपिओमा आज दोश्रो दिन रु. ८ करोड रकम बराबरको आवेदन परेको छ । कम्पनीले वैशाख १९ गतेदेखि आयोजना प्रभावित स्थानीय र श्रम स्वीकृति लिई विदेशमा रहेका नेपाली नागरिकको लागि प्रिमियममा आईपिओ निष्काशन गरेको थियो ।
सिडीएस एंड क्लियरिंग लिमिटेडका अनुसार आज बुधवार बेलुका ५ बजे सम्मघोराही सिमेन्टको अईपियोमा विदेशमा रहेका नेपाली नागरिकबाट १ लाख ७९ हजार ६ सय ३० कित्ताको लागि आवेदन परेको छ । उक्त अईपियोमा ४ हजार ४ सय ९६ जनाको आवेदन परेको हो ।
कम्पनीले श्रम स्वीकृति लिई विदेशमा रहेका नेपाली नागरिकलाई ७ लाख ५४ हजार ६ सय ६१ कित्ता शेयर निष्काशन गरेको हो । नेपाली श्रमिकलाई अंकित मूल्य १०० रुपैयामा ३३५ रुपैयाँ प्रिमियम थपेर प्रति कित्ता ४३५ रुपैयाँमा शेयर निष्काशन गर्न लागिएको हो । श्रमिकले पुरै कित्ताको लागि आवेदन दिन सक्ने छन् । उनीहरुले जेठ २ गतेसम्म मात्र आवेदन दिन सकिने छ । शेयर निष्काशनको लागि हिमालयन क्यापिटल र नबिल इन्भेष्टमेन्ट बिक्रि प्रबन्धक रहेको छ ।