.gif)
बुधबार पनि सेयर बजार बढेको छ । यसअघि सोमबार ११ अंक र मंगलबार २१ अंकले बढेको बजार बुधबार ५.१७ अंकले बढेर नेप्से सुचक १८६३.९४ को विन्दुमा कायम भएको छ ।
सुचक बढेपनि कारोबार रकम भने घटेको छ । मंगलबार ९९ करोड रुपैयाँको सेयर किनबेच भएकोमा बजारमा बुधबार ७८ करोड २७ लाख ४३ हजार २६४ रुपैयाँको सेयर कारोबार भएको छ । आज १२४ कम्पनीको सेयर मूल्य बढ्दा ९३ को घट्यो भने २२ को स्थिर रह्यो ।
आज ग्लोबल आइएमई लघुवित्त वित्तीय संस्था लिमिटेडको शेयरमूल्य सबैभन्दा धेरै अर्थात ८.०७ प्रतिशतले बढेर प्रतिकित्ता ८७० रुपैयाँ पुगेको छ । त्यस्तै पिपुल्स हाइड्रोपावर कम्पनी लिमिटेड र नेपाल एमबिआई बैंक लिमिटेडको शेयरमूलय ७ प्रतिशत भन्दा बढिले बढेको छ ।
यता, कर्पोरेट डेभलपमेन्ट बैंक लिमिटेडको सेयर मुल्य आज ६.३८ प्रतिशतले घटेको छ । त्यस्तै कारोबार रकम बढी हुनेमा भने सोनापुर मिनिरल्स एण्ड वेल लिमिटेड रहेको छ । यस कम्पनीको आज ५ करोड ६१ लाख रुपैयाँ भन्दा बढीको कारोबार भएको छ ।
.gif)
