.gif)
बुधबार शेयर बजार परिसूचक नेप्से दोहोरो अंकले बढेको छ । आज नेप्से सूचक २७.९० अंकले बढेर २०५८ को बिन्दुमा पुगेको छ ।
आज कारोबारमा आएका ३०६ कम्पनीका १ करोड ५ लाख ४९८ कित्ता शेयर खरिद बिक्रीबाट ४ अर्ब ४ करोड ८८ लाख ५७ हजार ४५४ रुपैयाँ ५९ पैसाको कारोबार भएको छ । जसमध्ये सोनापुर सिमेन्टको सर्वाधिक २६ करोड ६१ लाखको कारोबार भएको छ । त्यस्तै शिवम सिमेन्टको २३ करोड ३४ लाखको कारोबार भएको छ भने आईएमई लाईफ इन्स्योरेन्सको १५ करोड ६७ लाख तथा एनआरएन इन्फास्ट्रकचर एण्ड डेभलपमेन्ट लिमिटेडको १५ करोड ४० लाखको कारोबार भएको छ ।
आज छ कम्पनीको मुल्यमा सकारात्मक सर्किट लागेको छ । २०९ कम्पनीको शेयर मुल्य बढेको बजारमा दिव्यश्वरी हाइड्रोपावर लिमिटेड, एनआरएन इन्फास्ट्रकचर एण्ड डेभलपमेन्ट लिमिटेड, पिपल्स हाइड्रोपावर कम्पनी लिमिटेड, भगवती हाइड्रोपाव् डेभलपमेन्ट कम्पनी लिमिटेड, सोनापुर सिमेन्ट र मुक्तिनाथ कृषि कम्पनीको शेयर मुल्य १० प्रतिशतले बढेको छ । त्यसैगरी, अन्य पाँच कम्पनीको शेयर मुल्य ९ प्रतिशतभन्दा बढीले बढेको छ ।
त्यस्तै लक्ष्मी लघुवित्तको शेयर मूल्य सर्वाधिक बढी ५.१० प्रतिशतले घटेको छ । आज ३० कम्पनीको शेयर मुल्य घटेको हो ।
.gif)
