सिद्धार्थ क्यापिटलले वित्तीय साक्षरता कार्यक्रम सम्पन्न गरेको छ । कम्पनीले नेपाल धितोपत्र बोर्डको सहकार्यमा नेपालगन्ज बहुमुखी क्याम्पस, सुर्खेत रोड नेपालगन्जमा कार्यक्रम सम्पन्न गरेको हो ।
विश्व वित्तीय सप्ताह, २०२४ को अवसरमा, विद्यार्थीहरुमा उचित लगानीको निर्णय लिन आवश्यक पर्ने शीपको विकास गर्ने उद्देश्यले सो कार्यक्रम आयोजना गरिएको जनाइएको छ ।
कार्यक्रममा करिब ७० जना बिद्यार्थीको सहभागिता थियो भने कार्यक्रमको सहजीकरण नेपाल धितोपत्र बोर्डका उपकार्यकारी निर्देशक नारायण प्रसाद शर्माले गरेका थिए । उनले विद्यार्थीहरुलाई शेयर बजारका आधारभुत कुराको जानकारी गराई लगानीको महत्वबारे प्रकाश पारेका थिए ।