नेपाल
उद्योग परिसंघ र इण्डियन च्याम्बर अफ कमर्सबीच लगानी, व्यवसाय प्रवद्र्धनमा सहकार्य गर्न समझदारी भएको
छ । समझदारी पत्रमा नेपाल उद्योग परिसंघका अध्यक्ष विष्णु कुमार अग्रवाल र इण्डियन
च्याम्बर अफ कमर्सका वरिष्ठ उपाध्यक्ष अमेय प्रभुले हस्ताक्षर गरेका छन् ।
कार्यक्रममा
परिसंघका अध्यक्ष अग्रवालले भारतको सबै भन्दा पुरानो संस्था इण्डियन च्याम्बर अफ कमर्ससँगको
सहकार्यले दुई देशबीच व्यवसायिक सम्बन्ध थप बलियो बनाउन महत्वपूर्ण भूमिका खेल्ने विश्वास
व्यक्त गरे । उनले परिसंघले अगाडि बढाइरहेको मेक इन नेपाल स्वदेशी अभियान, स्टार्टअप एवं उद्यमशीलता प्रबद्र्धनलगायत
दुई देशका उत्पादन तथा सेवाहरुको प्रबद्र्धनमा दुई संस्थाबीच सहकार्य हुने बताए ।
सोही
अबसरमा इण्डियन च्याम्बर अफ कमर्सका
वरिष्ठ उपाध्यक्ष अमेय प्रभुले यस किसिमको सहकार्यले नेपाल र भारतबीचमा उद्योग,
व्यापार र लगानीका क्षेत्रहरुमा
नयाँ सम्भावनाहरु खोज्न महत्वपूर्ण हुने बताएका छन् ।
नेपाल
उद्योग परिसंघका उपाध्यक्ष निर्वाण चौधरीले परिसंघ र इण्डियन च्याम्बर अफ कमर्सबीचको
सहकार्यले उद्योगीहरुका समस्या, चुनौतीहरुको
पहिचान एवं समाधानका लागि दुबै संस्थाले लविइङ गर्ने र दुई मुलुकबीचको आर्थिक हितमा
काम गर्ने बताए ।
कार्यक्रममा
नेपाल उद्योग परिसंघका वरिष्ठ उपाध्यक्ष राजेश कुमार अग्रवाल, उपाध्यक्षहरु विरेन्द्रराज पाण्डे,
हेमराज ढकाल, परिसंघ सदस्य समिति सभापति सन्दिप
शारदा, महानिर्देशक दिपकराज जोशी,
इण्डियन च्याम्बर अफ कमर्सका महानिर्देशक
डा. राजीव सिंहलगायत सहभागी
थिए ।
