ट्रेकिङ्ग एजेन्सिज एसोसिएसन अफ नेपाल (टान) का निवर्तमान अध्यक्ष खुमबहादुर सुवेदीले नेपाल उद्योग वाणिज्य महासंघको केन्द्रीय सदस्यमा उम्मेदवारी घोषणा गरेका छन् । पर्यटन व्यवसायी सुवेदीले पर्यटन व्यवसायीहरुको प्रतिनिधित्व गर्दै महासंघको केन्द्रीय सदस्यमा उम्मेदवारी दिन लागेको जनाएका छन् ।
वरिष्ठ उपाध्यक्षका उम्मेदवार अञ्जन श्रेष्ठको प्यानलबाट उनले उम्मेदवारी दिन लागेका हुन् ।
सुवेदी २५ वर्षदेखि पर्यटन व्यवसायमा सक्रिय छन् । टानको सफलतापूर्वक नेतृत्व गरिसकेका उनी लायन्स क्लब अफ नेपाल प्याराडाइजको अध्यक्ष समेत छन् ।
सुवेदी सरकारको प्रबल जनसेवाश्री पदकमार्फत विभूषित पनि भइसकेका व्यवसायी हुन् ।
