नेपाल उद्योग वाणिज्य महासंघ गण्डकी प्रदेशले महासंघको आसन्न निर्वाचनमा वरिष्ठ उपाध्यक्ष पदका प्रत्याशी अन्जन श्रेष्ठलाई समर्थन गर्ने निर्णय गरेको छ ।
शनिवार पोखरामा बसेको प्रदेश समितिको बैठकले वरिष्ठ उपाध्यक्ष उमेदवार श्रेष्ठसहित प्रदेशबाट कार्यसमितिमा उमेदवारी दिने सम्पूर्ण उम्मेदवारलाई जिताउन भूमिका निर्वाह गर्ने निर्णय गरेको हो ।
पोखरा उद्योग बाणिज्य संघको प्रस्तावमा वरिष्ठ उपाध्यक्ष पदका उम्मेदवार श्रेष्ठलाई प्रदेशबाट समर्थन गर्ने निर्णय गरेको हो । प्रदेश महासंघका अध्यक्ष अमृत भट्टचनको अध्यक्षतमा बसेको पहिलो बैठकबाट उक्त निर्णय गरिएको हो ।
यस निर्णय गरेकोमा वरिष्ठ उपाध्यक्षका प्रत्याशी श्रेष्ठले महासंघ गण्डकी प्रदेशलाई धन्यवाद दिएका छन् ।
