नेपाल उद्योग वाणिज्य महासंघको आसन्न निर्वाचनको लागि अम्बिका प्रसाद पौडेलले केन्द्रीय सदस्य पदमा आफ्नो उम्मेदवारी दर्ता गराएका छन्। पौडेलले एसोसियट केन्द्रीय सदस्यमा आफ्नो उम्मेदवारी दर्ता गराएका हुन् ।
उनले उमेशलाल श्रेष्ठको समुहबाट उम्मेदवारी दिएका हुन् । पौडेलले यस अघि पनि केन्द्रीय सदस्यमा चुनाव जितेका थिए । यस अघि उनले हालका बरिष्ठ उपाध्यक्ष चन्द्र ढकालको समुहबाट चुनाव जितेका थिए । त्यस समय पौडेलले सबैभन्दा बढी मत पाएका थिए ।
पौडेल महासंघको केन्द्रीय सदस्य निर्वाचित भएपछि महासंघमा पहिलो पटक पुँजीबजार फोरम गठन भएको थियो। अम्बिका पौडेल हाल पुँजीबजार फोरमका सभापति छन् ।
