नेपाल सुनचाँदी व्यवसायी महासंघले सुनको आयातमा कायम कोटा प्रणाली हटाउन माग गरेको छ । महासंघका अध्यक्ष मानिकरत्न शाक्य नेतृत्वको टोलीले सोमबार प्रधानमन्त्री पुष्पकमल दाहाल प्रचण्डलाई भेटेर सुन चाँदीको आयातमा लगाइँदै आइएको कोटा हटाउन माग गरेको हो ।
हाल दैनिक १० किलो सुनको आयात गर्न पाइन्छ ।
‘कोटा कायम राखेर जाने हो भने नेपालको सुन बजार तस्करीमा आधारित बजारमा रुपान्तरण हुन्छ, कोटामा पुनर्विचार गर्नुपर्छ’ महासंघ अध्यक्ष शाक्यले भने ।
सुन आयात गहना निर्यात गर्दा १५ देखि २० प्रतिशतसम्मको मूल्यअभिवृद्धि रहेको अध्यक्ष शाक्यको दाबी छ ।