.gif)
नेपाल ट्रक यातायात व्यवसायी महासंघ १६ औं वार्षिक साधारणसभा पौष २१ गते शनिवार ललितपुरमा हुने भएको छ । ललितपुरको क्लासिक ब्याङ्क्वेट सानेपामा सम्पन्न हुने १६ औं साधारणसभाको तयारी तीव्र पारिएको महासंघले जनाएको छ ।
भौतिक पूर्वाधार तथा यातायातमन्त्री प्रकाश ज्वालाको प्रमुख आतिथ्यतामा सम्पन्न हुने साधारणसभामा देशभरबाट ३५० हाराहारी व्यवसायीहरुको सहभागीता रहने महासंघका महासचिव राजेन्द्रबिक्रम बानियाँले जानकारी दिए ।
यो महासंघ २०५७ सालमा संघका रूपमा स्थापना भई २०६२ सालमा महासंघ बनेको हो । हाल महासंघमा देशभरका २८ संघहरु आवद्ध छन् ।
.gif)
