.gif)
सिटिजन बैंकको पूर्ण स्वामित्वमा रहेको सिबिआईएल क्यापिटलको व्यवस्थापनमा एक अर्ब रुपैयाँ बराबरको सिटिजन म्युचुअल फन्ड १ आउने भएको छ । क्यापिटलले एक अर्ब रुपैयाँ बराबरको १० करोड इकाई बिक्रि गर्ने भएको हो।
क्यापिटलले माघ २ देखि छिटोमा माघ ७ र ढिलोमा माघ २१ सम्मका लागि १० रुपैयाँ अंकित १ अर्ब रुपैयाँ बराबरको १० करोड इकाई बिक्रि खुला गरेको हो।
कोषको कुल १० करोड इकाई मध्ये १५ प्रतिशत अर्थात १ करोड ५० लाख इकाई सिटिजन बैंकको लागि छुट्याइएको छ। बाँकी ८ करोड ५० लाख इकाई सर्वसाधारणका लागि बिक्री खुला गरिएको हो। फन्ड निष्काशनका लागि क्यापिटलले नेपाल धितोपत्र बोर्डले पुष १८ मा स्वीकृति प्राप्त गरेको हो।
सिटिजन म्युचुअल फन्डमा लगानी गर्न इच्छुक लगानीकर्ताले माघ २ देखि छिटोमा माघ ७ र ढिलोमा माघ २१ सम्म आबेदन भर्न सक्नेछन। एक जना लगानीकर्ताले न्युनतम १०० इकाई र अधिकतम २० लाख इकाईका लागि अर्थात एक हजार रुपैयाँदेखि २ करोड बराबरको आबेदन दिन सक्नेछन।
इच्छुक लगानीकर्ताले सिबिआईएल क्यापिटल बाटुलीघर, पुतलीसडक र सिटिजन बैंकका सम्पूर्ण शाखा कार्यालयबाट फारम प्राप्त गरी आबेदन दिन सक्नेछन। आवेदककर्ताले आस्वा मान्यता प्राप्त बैंक तथा वित्तीय संस्थाका ७७ जिल्लाका शाखा कार्यालयबाट समेत आबेदन दिन सक्नेछन।
सिबिआईएल क्यापिटलको पहिलो मुचुअल फन्ड 'सिटिजन म्युचुअल फन्ड' ७ बर्ष बन्दमुखी योजना हो। योजना बिक्री भएपछि नेप्सेमा पनि सुचिकृत हुने भएकोले ७ वर्ष अगावै पनि दोस्रो बजारमा इकाई कारोबार गर्न सकिनेछ। योजना मार्फत उठेको रकम मध्येको झन्डै ७० प्रतिशत रकम पुंजी बजारमा लगानी हुनेछ। यसले पुंजीबजारमा बढ्दो सेयर आपूर्तिमा केहि सन्तुलन ल्याउने अपेक्षा गरिएको छ।
हाल बजारमा १२ वटा यस्ता सामूहिक लगानी कोष सञ्चालनमा रहेका छन्। जस मध्ये १० वटा म्युचुअल फन्ड नेप्सेमा सुचिकृत छन।
.gif)
