.gif)
नेपाल स्टक एक्चेन्जमा सुचिकृत कम्पनीहरुको रेटिंङ त्रैमासिक रुपमा गराउने ब्यबस्था लागु गर्न सरोकारवालाहरुले नेपाल धितोपत्र बोर्ड समक्ष आग्रह गरेका छन् । नेपाल धितोपत्र बोर्डले सोमबार आयोजना गरेको आगामी आथिक बर्षको लागि नीति तथा कार्यक्रम निर्माणको लागि सुझाव तथा छलफल कार्यक्रममा रेटिंङ कम्पनीहरुले यस्तो माग गरेका हुन् ।
कार्यक्रममा कम्पनीहरुको क्रेडिट रेटिंङ गर्दै आएको इक्रा नेपालका वित्तीय
विश्लेषक किशोर बिमलीले हाल कम्पनीले आईपिओ र हकप्रद निष्काशन गर्दा मात्र रेटिंङ
गराउदै आएकोमा अब नियमित रुपमा रेटिंङ हुनु पर्ने ब्यबस्था गर्न माग गरे । साथै उनले लाइभ रेटिंङको ब्यबस्था गर्न सके मात्र लगानीकर्ताले लगानी
गर्नु अगाडी कम्पनीको उचित मुल्यांकन गर्न सक्ने बताए ।
रेटिंङ गराउंदा हाल कम्पनीले आफ्नो डाटा नै नदिने लगायतका बिभिन्न समस्या आएको
जानकारी गराउदै उनले यसको लागि छुट्टै नीतिगत स्पष्टता गर्न माग गरे । अहिले रेटिंङ प्रणालीमा एकरुपता नभएको कारणले
लगानीकर्ताले दुई कम्पनीको रिपोर्ट बीच तुलनात्मक विश्लेषण गर्न नसकेको जानकारी
गराउदै उनले नीतिगत व्यवस्था गरेर यो समस्या समधान
गर्न बोर्ड समक्ष आग्रह गरे ।
त्यस्तै रेटिंङ
गराउदै आएको अर्को कम्पनी केयर नेपालका प्रमुख कार्यकारी अधिकृत साजन गोयालले पनि त्रैमासिक
रुपमा कम्पनीको रेटिंङ गराउने ब्यबस्था गर्न सुझाव दिए।
.gif)
