जनउत्थान सामुदायिक लघुवित्त वित्तीय सँस्थाले गत आर्थिक बर्षको लाभांश घोषणा गरेको छ। लघुवित्तको मङ्सिर १९ गते बसेको १७७ औं संचालक समितिको बैठकले आर्थिक बर्ष २०७७-०७८ बाट सेयरधनीहरुलाई २६।३१५७ प्रतिशत लाभांश दिने प्रस्ताव गरेको हो।
प्रस्तावित लाभांश मध्ये २५ प्रतिशत बोनस सेयर र कर प्रयोजन सहित १।३१५७ प्रतिशत नगद लाभांश रहेको छ। उक्त प्रस्ताव नेपाल राष्ट्र बैंक र लघुवित्तको आगामी बार्षिक साधारणसभाले पारित गरेपश्चात सेयरधनिहरुमा लाभांश वितरण हुनेछ।
हाल लघुवित्तको चुक्तापुंजी ११ करोड ८३ लाख २४ हजार ८०० रहेको छ। लाभांश वितरण पश्चात चुक्तापुंजी १४ करोड ७७ लाख पुग्नेछ।