शिखर इन्स्योरेन्सको हकप्रद सुरक्षित गर्ने आज माघ २० गते अन्तिम दिन रहेको छ । कम्पनीले हकप्रद निष्काशनको लागि माघ २१ गते बुक क्लोज गर्ने निर्णय गरेकोले आज माघ २० गते कायम शेयरधनीले मात्र हकप्रद शेयरमा आवेदन दिन सक्ने छन् ।
कम्पनीले १०:३ को अनुपातमा ३० प्रतिशतले हुन आउने ५२ करोड ७५ लाख ५७ हजार २ सय रुपैयाँ बराबरको ५२ लाख ७५ हजार ५ सय ७२ कित्ता हकप्रद शेयर निष्काशन गर्न लागेको हो । कम्पनीले हकप्रद शेयर निष्काशन गर्नका लागि एनआईबिएल एस क्यापिटललाई धितोपत्र निष्काशन तथा बिक्री प्रबन्धक नियुक्त गरेको छ ।
कम्पनीले जेठ २५ गते हकप्रद शेयर निष्काशनको अनुमति माग गर्दै नेपाल धितोपत्र बोर्डमा आवेदन दिएकोमा बोर्डले माघ ६ गते स्वीकृति प्रदान गरेको हो। कम्पनीले हकप्रद निष्काशन गर्ने मिति तय गर्न बाँकि छ ।
