.gif)
आर्थिक वर्ष ७८/७९ मा नेपाल इन्भेष्टमेन्ट बैंकको खुद नाफा १४.८३ प्रतिशतले बढेको छ । आर्थिक वर्ष ७७/७८ मा बैंकले ३ अर्ब ५५ करोड खुद नाफा कमाएकोमा आर्थिक वर्ष ७८/७९ मा बैंकको नाफा बढेर ४ अर्ब ८ करोड पुगेको हो ।
यस अवधिमा बैंकको वितरणयोग्य मुनाफा २ अर्ब ३ करोड रहेको छ । समिक्षा अवधिमा बैंकको खुद ब्याज आम्दानी ६.३७ प्रतिशतले बढेर ५ अर्ब ९४ करोड पुगेको छ । बैंकले प्रोभिजनमा राखेको १ अर्ब ६० करोड रकम पनि फिर्ता गरेको छ ।
त्यस्तै बैंकको निक्षेप ५.८६ प्रतिशतले बढेर १ खर्ब ८४ अर्ब पुगेको छ भने कर्जा प्रवाह ०.४२ प्रतिशतले बढेर १ खर्ब ५७ अर्ब पुगेको छ । बैंकको खराब कर्जा २.४६ प्रतिशतबाट घटेर १.४७ प्रतिशत कायम भएको छ । १८ अर्ब ३० करोड चुक्ता पुंजी रहेको बैंकको रिजर्भमा १५ अर्ब ९६ करोड रहेको छ ।
यस अवधि बैंकको प्रति शेयर आम्दानी २२.३२ रुपैयाँ र प्रति शेयर नेटवर्थ १८७.२१ रुपैयाँ रहेको छ । हाल इन्भेष्टमेन्ट बैंक र मेगा बैंक मर्जर प्रक्रियामा रहेका छन् ।
.gif)
