दुई वटा कम्पनीको लाभांश सुरक्षित गर्ने आज चैत्र १२ गते अन्तिम दिन रहेको छ । साधारणसभा प्रयोजनको लागि चैत्र १३ गते बुक क्लोज गर्ने निर्णय गरेका सिक्लेस हाइड्रो र एनएलजी इन्स्योरेन्सको लाभांश सुरक्षित गर्ने आज अन्तिम हो । आज चैत्र १२ गतेसम्म कायम शेयरधनीले मात्र यी कम्पनीको सभामा भाग लिन र प्रस्तावित लाभांश पाउँन सक्ने छन् ।
सिक्लेस हाइड्रोले आर्थिक वर्ष ७८/७९ को मुनाफाबाट हाल कायम चुक्ता पुँजीको १०.५२६ प्रतिशत (कर सहित) लाभांश बितरण गर्ने प्रस्ताव गरेको छ । कम्पनीले चैत्र २० गते साधारणसभा आह्वान गरेको छ ।
त्यस्तै एनएलजी इन्स्योरेन्सले १० प्रतिशत बोनस शेयर र कर प्रयोजनको लागि ०.५२६३ प्रतिशत नगद लाभांश गरि कुल १०.५२६३ प्रतिशत लाभांश बितरण गर्ने प्रस्ताव गरेको छ। कम्पनीले चैत्र २० गते साधारणसभा आह्वान गरेको हो ।
साधारणसभाले पारित गरेपछि उक्त लाभांश लगानीकर्तामा बितरण हुने छ ।