शेयर लगानीकर्ता संघ नेपालका कार्यबाहक अध्यक्ष तारा प्रसाद फुल्लेलले ब्रोकर रहित शेयर कारोबारको माग गरेका छन् । लगानीकर्ता अन्तरक्रिया कार्यक्रममा उनले यस्तो माग गरेका हुन् ।
‘ब्रोकर रहित कारोबर किन गर्न सकिएन ? हामी ब्रोकर रहित कारोबार हुने सुनिश्चित गर्न माग गर्दछौँ’ उनले भनेका छन् ।
उनले नेपालमा सेयर कारोबार गर्दा विश्वमै नभएको चर्को कमिशन लिने गरिएको भन्दै कमिशन घटाउन पनि माग गरेका छन् ।
‘हाम्रो कारोबारमा विश्वमै नभएको चर्को कमिसन किन छ ? किन प्रत्येक करोबारमा २५ प्रतिशत कमिशन तिर्नु पर्छ ?’ फुल्लेलले प्रश्न गर्दै भने, ‘कमिशन घटाउने काम कहाँ पुग्यो ?
नेप्सेमा बैंक, इन्स्योरेन्स जस्तै अन्य क्षेत्रका कम्पनीहरुलाई ल्याउनुपर्ने पनि उनले माग गरेका छन् ।
‘नेप्सेमा किन अरु सेक्टर ल्याउन सकिएन ? तत्काल रियल सेक्टरका कम्पनी ल्याउन माग गर्दछौँ’ उनले भने ।