साताको पहिलो दिन आज आइतबार शेयर बजार परिसूचक नेप्से ६२.६१ अंकले बढेको छ । आजको वृद्धिसंगै नेप्से सूचक २११७.७३ को बिन्दुमा पुगेको छ ।
आज कारोबारमा आएका २७५ कम्पनीका १ करोड ४७ लाख ५१ हजार २ सय ४७ कित्ता श्येअर खरिद बिक्रीबाट ६ अर्ब ४९ करोड ४ लाख १२ हजार ६ सय ६५ रुपैयाँ ८९ पैसाको कारोबार भएको छ ।
जस मध्ये शिवम सिमेन्टको सर्वाधिक ४९ करोड ९० लाखको कारोबार भएको छ भने सोल्टी होटेलको ३८ करोड ९० लाखको कारोबार भएको छ । त्यस्तै हिमालयन डिस्टिलरीको २४ करोड ३८ लाखको कारोबार भएको छ ।
आज लाइफ इन्स्योरेन्स कर्पोरेसन नेपाल , हिमालयन लाइफ इन्स्योरेन्स, एनएमबि ५० म्युचुअल फण्ड, तथा सामलिङ पावरको शेयर मूल्य १० प्रतिशतले बढेको छ । आज शुभम पावर कम्पनीको शेयर मूल्य सर्वाधिक ६.८१ प्रतिशतले घटेको छ ।
आज करोबारमा आएका सबै समुहगत सूचक बढेका छन् । जस मध्ये बीमा समुह सर्वाधिक बढेको छ । आज जीवन बीमा समुह ७.७९ प्रतिशत बढेको छ भने निर्जीवन बीमा समुह ६.०९ प्रतिशत बढेको छ । आज फाइनान्स समुह ५.७३ प्रतिशत, अन्य समुह ५.२२ प्रतिशत तथा ट्रेडिङ समुह ५.०३ प्रतिशत बढेको छ ।