सरकारले धितोपत्र दर्ता तथा निष्काशन (सातौं संशोधन) नियमावली २०८० स्वीकृत गरेको छ। आज बसेको मन्त्रिपरिषदको बैठकले नियमावली स्वीकृत गरेको हो ।
अर्थ मन्त्रालयको प्रस्तावमा धितोपत्र दर्ता तथा निष्काशन (सातौं संशोधन) नियमावली २०८० स्वीकृत गर्ने निर्णय गरेको सरकारको प्रवक्ता तथा संचार त्तहा सूचना प्रविधिमन्त्री रेखा श्रमले जानकारी दिईन् । यस अघि नै सो नियमावली संशोधन भएको भनिए पनि त्यस समय मन्त्रीपरिषदको विधेयक समितिले मात्र पारित गरेको बताईएको छ ।
नेपाल धितोपत्र बोर्डले नियमावली संशोधनको लागि अर्थ मन्त्रालय मार्फत मन्त्रिपरिषदमा पठाएको थियो । नियमावली स्वीकृत भएसंगै कम्पनीहरुले आईपीओ जारी गर्दा अपनाउनु पर्ने व्यवस्थामा केहि परिमार्जन गरिएको स्रोतले जनाएको छ।
स्रोतक अनुसार अब २ आर्थिक वर्ष कारोबार गरिसकेका प्राइभेट कम्पनीहरुले पब्लिक कम्पनीमा परिणत भए लगत्तै आईपीओ निष्काशन गर्न पाउने छन् । त्यस्तै प्रिमियममा आईपीओ निष्काशन गर्ने व्यवस्था पनि केही परिमार्जन गरिएको छ । पुँजीबजारमा रियल सेक्टरका कम्पनीहरूको सहभागिता बढाउने उदेश्यले त्यस्ता कम्पनीहरुलाई आईपीओ जारी गर्नको लागि केहि खुकुलो व्यवस्था समेत गरिएको स्रोतले जनाएको छ ।