लक्ष्मी सनराइज बैंकको शेयर लगानीकर्ताको डिम्याट खातामा आएको छ । मंगलबारदेखि सिडीएसले लगानीकर्ताको डिम्याट खातामा शेयर पठाउन थालेको हो । साविकको लक्ष्मी बैंक र सनराइज बैंकको शेयर हटेर लक्ष्मी सनराइज बैंकको नाममा शेयर आएको हो ।
शेयर लगानीकर्ताको खातामा आएसंगै नेपाल स्टक एक्सचेन्ज नेप्सेमा बैंकको शेयर सुचिकृत भएपछि लगानीकर्ताले शेयर कारोबार गर्न सक्ने छन् । कम्पनीको शेयर एलएसएल (LSL) सिम्बलबाट कारोबार हुने छ ।
लक्ष्मी बैंक र सनराइज बैंक एक आपसमा मर्ज भएर असार २९ गते देखि संयुक्त रूपमा एकिकृत कारोबार शुरु गरेका हुन्। लक्ष्मी सनराइज बैंकको नामबाट एकिकृत कारोबार सुरु भएको हो । यी दुई बैंक समान हैसियत अर्थात् १:१ को स्वापमा मर्ज हुन भएका हुन् ।
