शेयरप्रो सेक्यूरिटीज प्रा. लि.( शेयर दलाल नं.६५ ) को औपचारिक उद्घाटन भएको छ । आज शुक्रबार नेपाल धितोपत्र बोर्डका अध्यक्ष रमेश कुमार हमालले कम्पनीको आफ्नोऔपचारिक उद्घाटन गरेका हुन् ।
उद्घाटन कार्यक्रममा अध्यक्ष हमालले कम्पनीलाई बधाई दिदैं उच्चतम् प्रतिस्पर्धा र प्रविधिको प्रयोगबाट नै शेयर बजारमा सकारात्मक परिवर्तन हुदैं जाने विश्वास व्यक्त गरे । उनले ग्राहकहरुको सन्तुष्टिमा नै कम्पनीको प्रगती भर पर्ने बताउदै त्यसतर्फ ध्यान दिन आग्रह गरे।
उद्घाटनको अवसरमा कम्पनीले साता व्यापी कार्यक्रम “शुभारम्भ सप्ताह” समेत सार्वजनिक गरेको छ । यो कार्यक्रम भदौ ८ देखि भदौ १५ गतेसम्म (शनिबार तथा सार्वजनिक विदाको दिन समेत) बिहान १०ः०० बजे देखि साँझ ५ः०० बजे सम्म कम्पनीको कार्यालय ढल्कुमा हुने कम्पनीले जनाएको छ ।
कम्पनीले मिति २०८०।०२।०९ मा नेपाल धितोपत्र बोर्डबाट अनुमतिपत्र प्राप्त गरी शेयर दलाली तथा निक्षेप सदस्यको सेवा प्रदान गर्र्र्दै आइरहेको छ ।
