सोनापुर मिनरल्स एण्ड ओइल लिमिटेड (सोनापुर सिमेन्ट) ले आयोजना प्रभावित स्थानीयlलाई निष्काशन गरेको आईपीओमा आवेदन दिने आज भदौ २६ गते अन्तिम दिन रहेको छ । कम्पनीले साउन २९ गतेदेखि पहिलो चरणको आइपीओ बिक्री खुला गरेको हो ।
कम्पनीले साउन २९ गतेदेखि आयोजना प्रभावित दाङ र रोल्पा जिल्लाका स्थानीयलाई आईपीओ निष्काशन गरेको हो ।
कम्पनीले आयोजना प्रभावित स्थानीयलाई अंकित मूल्य १०० रुपैयाँमा प्रिमियम वापत १२५ रुपैयाँ थप गरि प्रति कित्ता २२५ रुपैयाँमा शेयर निष्काशन गरेको छ । कम्पनीले आयोजना प्रभावित स्थानीयलाई १५ लाख ३७ हजार ५ सय २५ कित्ता शेयर निष्काशन गरेको छ। स्थानीयले न्युनतम १० कित्ता र अधिकतम १५ लाख कित्ताको लागि आवेदन दिन सक्ने छन्। कम्पनीले अन्य सर्वसाधारणलाई भन्दा स्थानीयलाई १२.५८ रुपैयाँ कम मूल्यमा शेयर निष्काशन गरेको हो हो ।
शेयर निष्काशनको लागि एनआईएमबि एस क्यापिटल बिक्रि प्रबन्धक रहेको छ । स्थानीय र श्रम स्वीकृति लिई वैदेशिक रोजगारीमा रहेकालाई निष्काशन गरिएको शेयर बाँडफाँड गरेपछि कम्पनीले सर्बसाधारणलाई शेयर निष्काशन गर्ने छ ।
नेपाल धितोपत्र बोर्डले साउन १७ गते कम्पनीलाई आईपीओ निष्काशनको लागि अनुमति प्रदान गरेको हो । कम्पनीले प्रिमियम मूल्यमा १ करोड २३ लाख २ सय कितात शेयर निष्काशनको लागि अनुमति पाएको हो । कम्पनीले स्थानीय र कर्मचारीलाई प्रति कित्ता २२५ रुपैयाँमा र सर्वसाधारणलाई प्रति कित्ता २३७.५८ रुपैयाँमा शेयर निष्काशनको लागि अनुमति पाएको हो । कम्पनीले आसोज ४ गते शेयर निष्काशनको अनुंती माग गर्दै बोर्डमा आवेदन दिएको थियो। दाङ जिल्लामा अवस्थित यस कम्पनी पश्चिम नेपालकै सबैभन्दा ठूलो सिमेन्ट उत्पादक कम्पनी हो ।
सोनापुरले शेयर निष्काशनको अनुंती पाएसंगै नेपाली पुँजीबजारमा सिमेन्ट कम्पनीको संख्या ३ पुग्ने भएको छ । हाल शिवम सिमेन्ट र घोराही सिमेन्ट बजारमा सुचिकृत छन् ।
सर्वोतम सिमेन्टले पनि आईपीओ जारी गर्न अनुमति माग गरेको छ । सर्वोत्तमले भने बुक विल्डिङ विधिबाट शेयर निष्काशन गर्न अनुमति मागेको छ ।
