नेपाल स्टक एक्सचेन्ज नेप्सेमा मनकामना इन्जिनियरिंग हाइड्रोपावर लिमिटेड र अपर लोहोरे खोला हाइड्रोपावर कम्पनी शेयर कारोबार सुचारु भएको छ । आज सोमबार स्पेसन प्रि ओपन सेसनमा यी कम्पनीको पहिलो कारोबार भई मूल्य तय भएको हो ।
मनकामना इन्जिनियरिंगको पहिलो कारोबार पहिलो कारोबार प्रति कित्ता २२२ रुपैयाँमा भएको छ । नेप्सेले कम्पनीको पहिलो कारोबारको लागि ७४ रुपैयाँ देखि २२२ रुपैयाँसम्मको सुरुवाती रेन्ज तोकेको थियो । यस सुरुवाती रेन्ज भित्रको जुनसुकै मूल्यमा पहिलो कारोबार हुन सक्ने व्यवस्था थियो। नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको मूल्य तय गर्न गरेको छ । कम्पनीको MEHL सिम्बलबाट कारोबार हुने छ ।
त्यस्तै अपर लोहोरे खोला हाइड्रोको पहिलो कारोबार प्रति कित्ता २९३ रुपैयाँमा भएको छ । नेप्सेले कम्पनीको पहिलो कारोबारको लागि ९७.८७ रुपैयाँ देखि २९३.६१ रुपैयाँसम्मको सुरुवाती रेन्ज तोकेको थियो । यस सुरुवाती रेन्ज भित्रको जुनसुकै मूल्यमा पहिलो कारोबार हुन सक्ने थियो। नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको मूल्य तय गर्न गरेको छ । कम्पनीको ULHC सिम्बलबाट कारोबार हुने छ ।