नेपाल स्टक एक्सचेन्ज नेप्सेमा सिटिजन लाइफ इन्स्योरेन्सको शेयर सुचिकृत भएको छ । आज बुधबार कम्पनीको ३ करोड ७५ लाख कित्ता शेयर सुचिकृत भएको हो ।
आज बुधबार शेयर सुचिकृत भएसंगै असोज १४ गते आइतबारबाट कम्पनीको शेयर कारोबार गर्न सकिने छ । आइतबारको स्पेसल प्रि ओपन सेसनमा कम्पनीको पहिलो कारोबार भई मूल्य तय भएपछि नियमित सत्रमा कम्पनीको कारोबार हुने छ ।
नेप्सेले कम्पनीको पहिलो कारोबारको लागि १७२.४३ रुपैयाँ देखि ५१७.२९ रुपैयाँसम्मको सुरुवाती रेन्ज तोकेको छ । यस सुरुवाती रेन्ज भित्रको जुनसुकै मूल्यमा पहिलो कारोबार हुन सक्ने छ । नेप्सेले कम्पनीको पहिलो कारोबारको लागि कम्पनीको नेटवर्थको ३ गुणासम्मको मूल्य तय गर्न गरेको छ । कम्पनीको CLI सिम्बलबाट कारोबार हुने छ ।