.gif)
युनिलिभर नेपाल लिमिटेडको लाभांश सुरक्षित गर्ने आज मङ्सिर ११ गते अन्तिम दिन रहेको छ । कम्पनीले साधारणसभा प्रयोजनको लागि मङ्सिर १२ गतेदेखि मङ्सिर २६ गतेसम्म बुक क्लोज गर्ने निर्णय गरेकोले आज मङ्सिर ११ गतेसम्म कायम शेयरधनीले मात्र लाभांश पाउन सक्ने छन् ।
कम्पनीको असोज २६ गते भर्चुअल माध्यमबाट सम्पन्न संचालक समितिको बैठकले आर्थिक वर्ष २०७९/८० बाट वितरण गर्ने लाभांश घोषणा गरेको हो । जस अनुसार कम्पनीले १५८० प्रतिशत नगद लाभांश अर्थात् प्रति शेयर १५८० रुपैयाँको दरले नगद लाभांश वितरण गर्ने भएको छ ।
कम्पनीको साधारणसभाले पारित गरेपछि लगानीकर्तालाई लाभांश वितरण हुने छ । कम्पनीले साधारणसभा भएको ४५ दिन भित्र लाभांश वितरण गरिसक्ने जनाएको छ ।
नेप्सेमा सुचिकृत कम्पनीहरुको मध्ये युनिलिभर नेपाल सबैभन्दा महँगो शेयर मूल्य भएको कम्पनी हो । हाल कम्पनीको शेयर मूल्य प्रति कित्ता ४२ हजार ९ सय रुपैयाँ रहेको छ। लाभांश घोषणा गर्नु अगाडीको अन्तिम दिनसम्म कम्पनीको शेयर मूल्य प्रति कित्ता ३५ हजार २ सय १० रुपैयाँ रहेको थियो ।
