नेपाल वेयरहाउजिङ्ग कम्पनीको आईपीओ आज बाँडफाँड हुँदै

नेपाल वेयरहाउजिङ्ग कम्पनी  लिमिटेडले निष्काशन गरेको आईपीओ आज बुधबार बाँडफाँड हुने भएको छ । बिक्री प्रबन्धक हिमालयन क्यापिटलले बिहान १० बजे शेयर बाँडफाँड गर्न लागेको हो  ।

कम्पनीले मङ्सिर १० देखि मङ्सिर १३ सम्म सर्वसाधारणलाई  ११ लाख ४१ हजार २ सय ५० कित्ता शेयर निष्काशन गरेको हो । कम्पनीले अंकित मूल्य १०० रुपैयाँमा शेयर निष्काशन गरेको हो ।  

नेपाल धितोपत्र बोर्डले असोज १० गते कम्पनीलाई आईपीओ निष्काशनको अनुमति प्रदान गरेको हो । कम्पनीले हालसम्म सुनसरी र पर्सा जिल्लामा ४०,००० मेट्रिक टन क्षेमताको साइलो सहितको वेयरहाउस निर्माण सम्पन्न गरि संचालनमा ल्याएको छ भने कपिलवस्तु जिल्लामा १५,००० मेट्रिक टन क्षेमताको साइलो जडान भईरहेकोछ, र सो समेत पौष महिना सम्ममा संचालनमा ल्याउने तयारी गरेको छ ।

यो कम्पनी संस्थापन गर्नका उद्देश्यहरु मध्येको प्रमुख उद्देश्य खाद्यान्न भण्डारण गृह निर्माण गरी सो भण्डारण गृहमा कृषकहरुले उत्पादन गरेका खाद्यान्नलाई भण्डारण गर्ने सुविधा प्रदान गर्नु रहेको छ।  यस कम्पनीको हालको चुक्ता पुजी रु ५५ करोड रहेकोछ ।